لاہور (نیوزڈیسک) پنجاب اسمبلی نے تحریک انصاف اور بانی عمران خان پر پابندی کی قرارداد منظور کر لی ۔ پنجاب اسمبلی میں پرائیویٹ ممبر ڈے کے موقع پر حکمران جماعت کے رکن اسمبلی طاہر پرویز کی جانب سے قرارداد پیش کی گئی ۔

قرارداد کے متن میں کہا گیا کہ یہ ایوان اس امر کی سفارش کرتا ہے کہ پاکستان کی سالمیت ، اور استحکام کے خلاف اور پاکستان کے ہر محاذ پر حفاظت کرنے والے اداروں جنہوں نے بھارت جیسے پانچ گنا بڑے دشمن ملک کو پچھاڑ کر رکھ دیا کے خلاف بیان بازی کرنے انتشار پھیلانے اور پاکستان مخالف دشمن ملک کی آلہ کار پارٹی اور اس کے بانی و لیڈر پر پابندی لگائی جائے، جو لیڈران خواہ ان کا تعلق کسی بھی سیاسی و غیر سیاسی پارٹی سے ہو ان کے خلاف ملکی قانون کے مطابق کارروائی کی جائے اور ان کو قرار واقعی سزا دی جائے۔

یہ ایوان پاکستان کے استحکام ،حفاظت اور اتحاد کے لئے کام کرنے والے اداروں کے سربراہان اور جوانوں کو خراج تحسین پیش کرتا ہے۔